Leita

Leita í vöruskrá

Image caption appears here

Add your deal, information or promotional text

Jólagjafahandbókin 2021

Jólagjafahandbók Prósjoppunnar

Nú í byrjun desember er kominn tími til að huga að jólagjöfum ársins og eflaust einhver ykkar langt komin með listann. Við höfum tekið saman nokkrar skotheldar jólagjafahugmyndir sem við teljum nokkuð öruggt að slái í gegn. Að því sögðu erum við virkilega spenntir að taka á móti ykkur í hátíðarfíling í Síðumúla 33 í desember og veita ykkur góð ráð.  

Með því að smella á myndirnar opnast allar nánari upplýsingar um vörurnar og auðveldlega hægt að ganga frá kaupum um leið í vefverslun okkar.

 

 

Fyrir alla fjölskylduna

Púttmottan frá Perfect Practice er málið inná öll heimili þar sem kylfingar búa. Frábært æfinga- og leiktæki sem hentar öllum getustigum og aldri, að skora á mömmu, pabba, afa eða ömmu í púttkeppni hefur aldrei verið einfaldara eða skemmtilegra.

 

 

 

Fyrir herra sem vilja bara það besta og flottasta

FJ x Harris Tweed Premiere Series Packard golfskórnir eru einstakir golfskór. Í yfir 100 ár hafa bæði FootJoy og Harris Tweed haft í forgrunni að vera trú gildum sínum, framleiða vörur í einstakri hönnun og miklum gæðum. Núna er í boði að fá FJ Premiere Series golfskó úr merkilegri samvinnu þessara tveggja risa.

 

 

 

Fyrir hann/hana sem er alltaf að spyrja þig hvað er langt eftir að holunni

Motocaddy PRO 3000 Laser Rangefinder er alvöru fjarlægðarmælir frá merki í fremstu röð. Snöggur, nákvæmur og einfaldur í notkun. Hér er á ferðinni fjarlægðarmælir sem stenst allar kröfur og meira til og á frábæru verði!

 

Fyrir þá dömu sem að þú elskar mest

FJ Stratos golfskórnir hafa algjörlega slegið í gegn hjá okkur, við fengum litla sendingu af þeim til okkar í lok nóvember og eigum til núna (7.des) allar stærðir af þeim í bæði hvíta og hinum mjög vinsæla silfur lit. 

Fyrir ömmu

Amma á skilið það allra besta, enda algjörlega frábær og við viljum að hún geti spilað sitt golf sama hvernig viðrar. FJ Insulated flíkurnar hafa vakið mikla lukku og við fengið mörg hrós frá ánægðum viðskiptavinum.

 

 

Fyrir alla íslenska kylfinga

Já það er nú bara þannig að sjaldan erum við að glíma við að það sé of heitt hjá okkur á golfvellinum hér á landi. Innanundirbolirnir frá FJ eru alltaf vinsælir hjá okkur, má jafnvel segja; skyldueign fyrir íslenska kylfinga!

Fást í þremur litum fyrir herra og hvítir fyrir dömurnar.

 

  

 

Fyrir afa

Það er fátt betra en þegar afi hringir og bíður manni með í golf, "eigum við ekki að skjótast saman 9 holur". Til að segja stórt TAKK við afa þá er heilrennda FJ Tech vindpeysan algjörlega málið. Fæst í tveimur litum.

 

 

Fyrir vandláta

Scotty Cameron 2021 Champions Choice Button Back er ný lína af pútterum sem fæst í takmörkuðu magni, Champions Choice línan er byggð á nokkrum af vinsælustu og sigursælustu pútterunum á stærstu golfmótaröðum heims. Ótrúlega flottir pútterar frá Scotty með Teryllium inserti.

 

 

 Fyrir hana

Macade Four-Way Stretch Jogger, eru mest seldu buxurnar hjá okkur og í miklu uppáhaldi þar sem að ánægjan með þessar buxur hjá dömunum leynir sér aldrei. Þessar buxur eru úr ótrúlega léttu og teygjanlegu efni, mjög sportlegar með rennilás á skálmum og sílikon streng í mitti til að sjá til þess að bolurinn haldist á réttum stað. Fjórir litir í boði.

 

 

Fyrir stelpuna

Macade Tour Quarter Zip er mjúk og þæginleg hálfrennd peysa fyrir stelpuna í þínu lífi. Þrír flottir litir í boði.

 

 

Fyrir mömmu

Mamma er límið í fjölskyldunni og hún á allt það besta skilið, er ekki kominn tími á að mamma fái rafmagnsgolfkerru? Motocaddy M1 DHC er stílhrein, einföld í notkun og glæsileg í alla staði. Kerran er með LCD litaskjá, níu hraðastillingar, rafhlöðumælingu og auðvelt er að stilla hæð á handfangi. Nú með öflugri 36 holu rafhlöðu og mótor en áður. Frábær kaup!

 

 Fyrir afrekskylfinginn

Þau sem eru duglegust að æfa eiga auðvitað skilið alvöru tösku fyrir æfingaboltana, Titleist boltataskan er stílhrein og vegleg og á ófáum óskalistum hjá afrekskylfingunum okkar.

 

 

Fyrir þann herra sem að þú elskar mest

Hvað er betra en mjúkur pakki fyrir þann sem þú elskar mest? Okkar langvinsælasta herrapeysa er FJ 1/2 Zip Lined Vindpeysan. Gangi þér vel að finna betri mjúka gjöf en þessa :) Fæst í fimm litum.

 

 

 

Fyrir pabba

Pabbi er ótrúlega nægjusamur og er búinn að vera með sama golfpokann í amk 10 ár! Það er löngu kominn tími á nýjan og við getum heldur betur hjálpað með það. Hjá okkur er að finna flotta golfpoka frá bæði Titleist og Motocaddy.

 

 

Fyrir efnilega kylfinginn

Æfingavörurnar frá Perfect Practice eru notaðar af mörgum af bestu kylfingum heimsins. Púttspegill er líklega það golfæfingatæki sem flestir kylfinga nota til að æfa og bæta púttin. Pútthliðin hjálpa þér að verða nákvæmari og bjóða uppá margar sniðugar æfingar til að bæta púttin.

 

 

Fyrir hann

Macade Merino TX Quarter Zip. Hér er ekkert sparað hjá Macade, eins og þeir segja sjálfir "This merino Quarter Zip is knitted in a super soft, luxurious merino wool yarn". Þetta er algjörlega geggjuð peysa, stílhrein og frábært snið.

 

 

Fyrir strákinn

Er eitthvað sem er skemmtilegra á golfvellinum en að fá alvöru bakspuna? Titleist Vokey SM8 eru í pokanum hjá mörgum af bestu kylfingum heims og eins og flestir vita, algjörlega frábær fleygjárn.

 

 

 

Fyrir nýjasta kylfinginn í fjölskyldunni

Motocaddy CUBE er með hæðarstillanlegt og veglegt "stýri" sem hentar jafnt stórum sem og nettum höndum. Pláss fyrir drykkinn,  flott hólf fyrir smáhluti, skorkortafesting og geymslunet þar undir. Einfalt að geyma auka bolta og tíí við hendina. Með fótbremsu. Frábær golfkerra á frábæru verði.

 

 

Aukagjöfin fyrir okkar elsku bestu dömu

Strákar, eins og þið vitið þá á hin eina rétta skilið að fá nokkra pakka ;)

Macade Range Pants eru mjúkar og þæginlegar. Sportlegar, háar í mittið og úr mjög teygjanlegu efni. Þessar eru mjög líklegar til að slá í gegn undir tréinu í ár. Þrír mismunandi litir í boði.

 

 

 

Frá jólasveininum

Það er fátt betra en að spila golf í nýjum sokkum. Nú auðvitað má líka nota sokkana meira en bara til þess að spila golf eins og svo margir viðskiptavinir okkar vita.

 

  

 

Við vonum að frumraun okkar í Jólagjafahandbókaflóðinu nýtist ykkur vel :)

Það eru skemmtilegir tímar framundan í desember og við tökum vel á móti ykkur öllum í Síðumúla 33. Við leggjum okkur alla fram við að þjónusta landsbyggðina eins vel og við mögulega getum og við erum alltaf til taks í síma, í gegnum tölvupóst nú eða á samfélagsmiðlunum. 

Fylgið okkur endilega á INSTAGRAM og FACEBOOK

 

Gleðilega hátíð!